Friday, August 1, 2008

...Meri nahi

Jab nahi tha saamne tu hosh kuchh to tha mujhe,
Ab agar behosh hu main ye khata meri nahi.

Dar nahi hai maut se par kaise ye kehdu sanam,
Ik baar teri deed ki chahat yahan meri nahi.

Hum pashemaan hoke roye the jo tere rubaru,
Ye na ab kehna ki tumne nazar tab pheri nahi.

Gum ko humne tha bhulaya ek tere aasre,
Tujhse bichhad ke jeene ki ab aarzu meri nahi.

Chand lamho ka safar hai naam jiska hai zindgi,
Ab shab-e-dil ka basar baam main teri nahi.

Main chala jaunga mujhse sirf ye kehde sanam,
Tujhko jeene ke liye bhi ab garaz meri nahi.

1 comment:

  1. Nice !!
    4 ke couplets me bhi likho kuchhh

    2-2 ke couplets to badhia hai hi....

    ReplyDelete